Bəxtiyar Vahabzadənin "Deprem" şeiri: "Qurban olum sinəndəki dağına..."

Teleqraf.com Bəxtiyar Vahabzadənin 1999-cu il avqustun 17-də Türkiyədə baş verən zəlzələdən həlak olanların xatirəsinə ithaf etdiyi şeiri təqdim edir.

"Deprem" adlanan şeirin həm azərbaycanca, həm də türkcə variantını oxucuların nəzərinə çatdırırıq.

***

Eşidincə ata yurdda depremi,
Axdı yaşım, döndü başım, Türkiyə.
Hər dərdimin, hər qəmimin ortağı
Can qardaşım, qan qardaşım, Türkiyə.

Varmı qəza, varmı bəla, de, bunca?
Səninləyik biz ki ömür boyunca.
Faciəni biz uzaqdan duyunca,
Gözlərimdən axdı yaşım, Türkiyə.

Öz hökmü var hər zamanın, hər anın,
Yaman gündə yanındayıq biz sənin.
Ana yurdda Vətənimsən, Vətənim,
Vətənimdə vətəndaşım, Türkiyə.

Tarix boyu bu əhdimiz pozulmaz,
Türk milləti xar olmamış, xar olmaz.
Hər bəladan türkün beli qırılmaz,
Sən ey mənim can sirdaşım, Türkiyə.

Sən çıxmısan tarixdə çox sınaqdan,
Dönməmisən nə gerçəkdən, nə haqdan.
Ey zamanın yollarında hər zaman
Mənim arxam, yol yoldaşım, Türkiyə.

Bu taleyi nə yamanla, nə qına,
Dönəcəksən sən dünənki çağına.
Qurban olum sinəndəki dağına,
Uca başım, əməldaşım, Türkiyə.

***

İşitince ata yurtta depremi

Aktı yaşım, döndü başım, Türkiyem.

Her derdimin kederimin ortağı
Can kardeşim kan kardeşim, Türkiyem.

Var mı kaza,var mı bela de bunca?
Seninleyiz biz ki ömür boyunca.
Kaderini bez uzakdan duyunca
Gözlerimden aktı yaşım, Türkiyem.

Öz hükmü var her zamanın her anın.
Yaman gününde yanındayız biz senin.
Ana yurtta vatanımsın, vatanım
Vatanımda vatandaşım, Türkiyem.

Tarih boyu bu ehdimiz bozulmaz
Türk milleti har olmamış, har olmaz.
Her beladan Türkün beli kırılmaz
Sen ey benim can sırdaşım, Türkiyem.