Feysbukdan ermənilərə Melkonyan şoku – "Milli qəhrəman"larını...

Feysbuk sosial şəbəkəsi Monte Melkonyanı terrorçu kimi qeydə alıb.

Teleqraf.com xəbər verir ki, bu, Ermənistanın ombudsmanı Arman Tatoyanın açıqlamasında məlum olub.

O, “Ermənistanın milli qəhrəmanı” Monte Melkonyanla bağlı fotoşəkillər və paylaşımların Feysbuk tərəfindən bloklandığını deyib. Bununla əlaqədar sözügedən sosial şəbəkənin administrasiyasına müraciət etdiyini bildirib. Tatoyan bunu “qəbuledilməz” adlandırıb.

Ondan əvvəl Xankəndindəki separatçıların nümayəndəsi Artak Beqlaryan da Feysbukda Melkonyanla bağlı paylaşımlara məhdudiyyətlərin tətbiq edildiyini açıqlayıb.

Feysbuk administrasiyası sosial şəbəkədə terrorizm və radikalizmin təbliğatını qadağan edir.

Terrorçu Monte Melkonyan Birinci Qarabağ Müharibəsində Azərbaycan ordusu tərəfindən məhv edilib.