Ruslar Türkiyə ilə sərhəddən çıxırlar? – İrəvandan açıqlama

Rusiya sərhədçiləri “Zvartnots” hava limanında xidmətlərini başa vursalar da, Ermənistanın Türkiyə və İranla sərhədlərində xidmətlərini davam etdirirlər.

Teleqraf.com xəbər verir ki, bu barədə Ermənistan Milli Təhlükəsizlik Xidmətindən yerli mediaya bildirilib.

“Ermənistanla Rusiya arasında 1992-ci ildə imzalanmış müqaviləyə əsasən, Ermənistan-Türkiyə və Ermənistan-İran dövlət sərhədləri ərazilərində dövlət sərhədinin mühafizəsini Rusiya Federal Təhlükəsizlik Xidmətinin Sərhəd Mühafizə İdarəsinin hərbçiləri həyata keçirir”, - açıqlamada deyilir.