“Daily Mail” “Sofiya”nın Azərbaycan səfərindən yazdı

Məşhur “Daily Mail” informasiya agentliyində “Sofiya” robotun Azərbaycan səfərinə dair məlumat dərc olunub.

Prezident yanında Vətəndaşlara Xidmət və Sosial İnnovasiyalar üzrə Dövlət Agentliyindən Teleqraf.com-a daxil olan məlumatda qeyd olunur ki, “Sofiya” robotu dünya turu çərçivəsində Prezident İlham Əliyevlə görüşündən öncə Bakı Beynəlxalq Hava Limanında qısa müddət ərzində “ASAN xidmət” tərəfindən ilk dəfə elektron viza ilə təmin edilib.

Vurğulanır ki, elektron hökümət platforması olan “ASAN xidmət” tərəfindən İmişli şəhərində yaradılan yeni mərkəzin açılışı zamanı “Sofiya” robot Prezident İlham Əliyevlə görüşüb. Görüş zamanı “Sofiya” Prezident İlham Əliyevlə söhbət edib. O, bu görüşdən məmnunluğunu və Azərbaycanın onu valeh etdiyini bildirib.

Prezident İlham Əliyev söhbət zamanı “Sofiya”nın sıx iş rejiminə baxmayaraq, Azərbaycan səfərindən məmnun olduğunu qeyd edib. Diqqətə çatdırılıb ki, onunla birlikdə yeni ASAN mərkəzinin açılışında iştirak edir. Bunun innovasiya olduğu və müasir dövlət quruculuğunda niyyəti və gücü əks etdirdiyi vurğulanıb.

Məqalə ilə bu link vasitəsilə tanış olmaq olar: https://dailym.ai/2EQdc8w