“Bakı geri çəkilməyib, Zəngəzur dəhlizi...” - Manvelyan

Zəngəzur dəhlizi Azərbaycan və Türkiyə üçün nəqliyyat və ya iqtisadi yox, siyasi-strateji əhəmiyyət kəsb edir.

Teleqraf.com xəbər verir ki, bunu erməni siyasi ekspert Armen Manvelyan deyib.

Onun sözlərinə görə, bu, Ermənistana təzyiqlə yanaşı, Azərbaycana Zəngəzurdan alternativsiz və maneəsiz Naxçıvana ən qısa çıxış imkanı verəcək.

“Həm Azərbaycan, həm də Türkiyə bunu 44 günlük müharibədə qalib gəlməyin potensial faydalarından biri kimi görür, bu ideyadan əl çəkməyəcəklər”, - Manvelyan bildirib.