Zaxarova Parisi ələ saldı – “Bakı ilə birgə edirik”

Necə düşünürsünüz, Yeni Kaledoniya məsələsində kim kimdən öndədir: Bakıya görə Moskva, yoxsa Moskvaya görə Bakı?

Teleqraf.com xəbər verir ki, bunu Rusiya Xarici İşlər Nazirliyinin sözçüsü Mariya Zaxarova Fransanın Azərbaycanı Yeni Kaledoniyanı qarışdırması ilə bağlı ittihamına cavab verərkən deyib.

Rusiya rəsmisinin cavabı ironik olub, Rusiya və Azərbaycanın “prosesdə birgə hərəkət” etdiyini söyləyib.

“Biz bərabərik”, - Zaxarova zarafatyana bildirib.

Fransa hökuməti bundan əvvəl Azərbaycanı Yeni Kaledoniyada iğtişaşlar təşkil etməkdə ittiham edib. Müvafiq ittiham Türkiyə və Rusiyaya qarşı da səsləndirilib.

Rəsmi Bakının təxribatçı və əsassız ittihamlara cavabı sərt olub.