Bakıda 17 mərtəbəli binada yanğın söndürüldü - Yenilәndi

22:24

Bakıda çoxmərtəbəli yaşayış binada yanğın baş verib.

Teleqraf.com xәbәr verir ki, yanğın 7-ci mikrorayon, Fərman Məlikov küçəsindəki 17 mərtəbəli binanın 17-ci mərtəbəsində qeydə alınıb.

Şahidlərin sözlərinə görə, yanğın 14-cü mərtəbəyədək yayılıb.

Hadisə yerində Fövqəladə Hallar Nazirliyinin yanğınsöndürənləri çalışır.

***

Teleqraf.com xәbәr verir ki, hadisə yerinə 7 yanğınsöndürən maşın cəlb olunub. Xilasedicilər tərəfindən bir neçə azyaşlı binadan çıxarılıb.

Hadisə zamanı tüstüdən zəhərlənənlərin olduğu bildirilir. Hazırda həkimlər onlara hadisə yerində tibbi yardım göstərirlər.

Yanğın hazırda davam edir.

***

Hadisə 16 mərtəbəli binanın birinci blokunda qeydə alınıb.

Elektrik qəfəsinin yanması nəticəsində tüstülənmə baş verib. Bu səbəbdən birinci blokda olan mənzillərin sakinləri təxliyyə edilib.

Yanğın söndürülüb.