Bakıda ağır qəza törədən şəxs tutuldu

Bakının Nizami rayonunda yol qəzası olub.

Teleqraf.com xəbər verir ki, fevralın 8-də saat 5 radələrində Nizami rayonunun R.Rüstəmov küçəsində müəyyən edilməmiş avtomobillə yolu keçən Bakı şəhər sakini Edqar Cəlilov vurulub.

Xəsarətlə xəstəxanaya yerləşdirilmiş piyada fevralın 11-də orada ölüb.

Bakı şəhər Baş Polis İdarəsinin Təhlükəsiz Şəhər Xidməti və Nizami rayon Polis İdarəsinin 25-ci polis şöbəsi əməkdaşlarının birgə keçirdikləri əməliyyat-axtarış tədbirləri nəticəsində yol-nəqliyyat hadisəsini törətməkdə şübhəli bilinən “Ravon” markalı avtomobilin sürücüsü, Bakı şəhər sakini N.Həsənov saxlanılıb.