Bakıda üç ağır qəza: 1 ölü, 5 yaralı

Bakının Suraxanı rayonunda yol-nəqliyyat hadisəsi baş verib.

Teleqraf.com xəbər verir ki, rayonun Suraxanı qəsəbəsində iki minik maşını toqquşub.

Nəticədə Qüdrət Hüseynov, Səbinə Mehdiyeva və Vahid Bəkirov xəsarət alıblar.

Yaralılar 3 saylı şəhər xəstəxanasına yerləşdirilib. Onların vəziyyətinin orta-ağır olduğu bildirilir.

Daha bir yol qəzası Xəzər rayonunda baş verib.

Rayonun Binə Südçülük Sovxozu kimi tanınan ərazidə 1988-ci il təvəllüdlü Gunay Rzayeva yolu keçərkən onu minik avtomobili vurub.

Yaralı 3 saylı şəhər xəstəxanasına yerləşdirilib. Ona tibbi yardım göstərilib, vəziyyətinin ağır olduğu bildirilir.

Oxşar hadisə Sabunçu rayonunda da baş verib.

Rayonun Maştağa qəsəbəsində Kərim Kərimov yolu keçərkən onu avtomobil vurub. Qəzanı törədən sürücü hadisə yerindən yayınıb.

Yaralı xəsyəxanaya yerləşdirilib, ona tibbi yardım göstərilib.

Daha bir ağır qəza Sabunçu rayon Bilgəh qəsəbəsi ərazisində qeydə alınıb.

Paytaxt sakini F.Quliyevin idarə etdiyi “Hyundai” markalı avtomobil idarəetdən çıxıb və maneyə çırpılıb.

Nəricədə sürücü hadisə yerində ölüb.