Saatlıda həmkəndlisinə qarşı cinayət törədən iki nəfər tutuldu – Foto

Saatlıda oğurluq edən şəxslər saxlanılıb

Daxili İşlər Nazirliyinin mətbuat xidmətinin Bərdə regional qrupundan Teleqraf.com-a verilən məlumata görə, Saatlı rayon sakini E. Mürsəlov rayon polis şöbəsinə müraciət edərək qardaşına məxsus evdən oğurluq edilməsi barədə məlumat verib.

Məlumatla əlaqədar polis əməkdaşları tərəfindən müvafiq tədbirlər görülüb.

Keçirilmiş əməliyyat-axtarış tədbirləri nəticəsində oğurluq əməlini törətməkdə şübhəli bilinən Saatlı rayon sakinləri Ə.Həsənov və T.Əsədov saxlanılıb.

Araşdırmalarla müəyyən edilib ki, həmin şəxslər 1 ədəd televizor və 1 ədəd motorlu otbiçən oğurlamaqla zərərçəkmişə 1450 manat dəyərində ziyan vurublar.

Dindirilmə zamanı hər iki şəxs törətdiyi cinayət əməlini etiraf edib.

Faktlarla bağlı Saatlı rayon polis şöbəsində cinayət işi başlanılıb.

Araşdırmalar davam etdirilir.