1 İyul 11:40
338

Bakının Yasamal rayonunda quldurluq hadisəsi baş verib.

Teleqraf.com xəbər verir ki, rayon ərazisində naməlum şəxs Bakı şəhər sakini olan R.Tarverdiyevə bıçaqla hədə-qorxu gələrək mobil telefonunu alıb.

Zərərçəkmiş baş verən hadisə ilə bağlı Yasamal rayon Polis İdarəsinin 28-ci polis bölməsinə müraciət edib.

Polis əməkdaşlarının keçirdikləri əməliyyat tədbirləri nəticəsində cinayəti törətməkdə şübhəli bilinən paytaxt sakini Ü.Qurbanov saxlanılıb.

Faktla bağlı Cinayət Məcəlləsinin 181-ci (quldurluq) maddəsi ilə cinayət işi başlanıb.


Müəllif: Hacı Zeynalov