Bakıda avtobusun vurduğu piyada öldü

Bakıda sərnişin avtobusunun vurduğu piyada ölüb.

Teleqraf.com xəbər verir ki, hadisə Qaradağ rayonu, Lökbatan qəsəbəsi, Meyvəli-Sədərək yolunda qeydə alınıb.

“Daewoo BC090” markalı avtobus yolun ortasında qoşa xəttin üzərində dayanmış piyada, 1991-ci il təvəllüdlü Muradov Sərxan Rizvan oğlunu vurub.

Nəticədə müxtəlif dərəcəli ağır bədən xəsarətləri alan piyada xəstəxanaya yerləşdirilsə də, onun həyatını xilas etmək mümkün olmayıb.

Faktla bağlı cinayət işi başlanılıb.