Çempionlar Liqası matçına gedən hakimlər saxlanıldı

Çempionlar Liqasının 3-cü təsnifat mərhələsi çərçivəsində keçiriləcək “Dinamo Kiyev” - “Reyncers” matçının VAR hakimi Bartoş Frankovski və AVAR hakimi Tomaş Musial Polşada saxlanılıb.

Teleqraf.com xəbər verir ki, xəbər verir ki, bu barədə “TVP Sport” məlumat yayıb.

İddialara görə, buna səbəb onların içkili halda yol nişanını yerindən çıxarması olub.

Yerli polisin sözlərinə görə, küçədə yol nişanını yerindən çıxararaq daşıyan üç nəfərin olması barədə məlumat alıblar:

“Hadisə yerinə polis əməkdaşları göndərilib. Onların hamısı sərxoş olub və qanlarında spirt aşkar edilib”.