Neymar çox iddialı danışdı

Fransanın PSJ klubunun hücumçusu Neymar dünyanın ən yaxşı futbolçusu olmaq istədiyini açıqlayıb.

Teleqraf.com xəbər verir ki, braziliyalı futbolçu hazırda dünyada ən yaxşı futbolçusu “Barselona”nın hücumçusu Lionel Messi olduğunu etiraf edib.

“O fərqli oynayır”, - deyə Neymar vurğulayıb.

Braziliyalı futbolçu “Barselona”nı tərk etməsinin səbəbinə də toxunub. O bildirib ki, qərarına səbəb yeni qələbələr qazanmaq istəyi olub.

Qeyd edək ki, Neymar 2017-ci ildən PSJ-da çıxış edir.