"Qarabağ”ın yarımmüdafiəçisi Çin klubunda

Ağdamın “Qarabağ” komandasının ispaniyalı yarımmüdafiəçisi Dani Kintana Çinin “Chenqdu Better Siti” klubuna transfer edilib.

Teleqraf.com xəbər verir ki, 32 yaşlı yarımmüdafiəçi fevralın 3-də tibbi yoxlanışdan keçmək üçün yeni komandasının Tailandda davam edən düşərgəsinə yollanacaq.

2015-ci ildən Ağdam klubunda forma geyinən D.Kintana “Qarabağ”da keçirdiyi 146 matçda 42 qol və 23 məhsuldar ötürmə ilə yadda qalıb.