Polşada Avropa Oyunlarının açılış mərasimi keçirildi

Polşada III Avropa Oyunlarının açılış mərasimi start götürüb.

Teleqraf.com xəbər verir ki, mərasim Krakovda yerləşən "Miejski" stadionunda keçirilir.

Açılış ev sahibi Polşanın bayrağının stadiona gətirilməsi ilə başlayıb. Bayraq Polşa himninin sədaları altında xüsusi hazırlanmış dirəkdə təntənəli şəkildə ucaldılıb.

Xatırladaq ki, I Avropa Oyunları 2015-ci ildə Azərbaycanda, II Avropa Oyunları isə 4 il sonra Minskdə təşkil olunub.