“Neftçi”nin oyununa böyük maraq: Biletlərin hamısı satıldı

Konfrans Liqasının II təsnifat mərhələsi çərçivəsində avqustun 3-də saat 21:00-da 8-ci km stadionunda keçiriləcək “Neftçi” - “Jelezniçar” matçı üçün “Iticket.az”da biletlərin hamısı satılıb.

Teleqraf.com kluba istinadla bildirir ki, bundan sonra yalnız 1A sektoru üçün oyun günü bilet əldə etmək mümkün olacaq.

Qiyməti 3 manat olan biletlər saat 10:00-dan etibarən görüşün reallaşacağı 8-ci km stadionunun kassalarında satışda olacaq.

Qeyd edək ki, "Neftçi" Bosniya və Herseqovina təmsilçisi ilə səfərdə keçirilən qarşılaşmadan bərabərliklə (2:2) ayrılmışdı.