“Barselona” “Çelsi”nin futbolçusundan əl çəkmir

"Barsa" daha öncədən Kuadradonu almağı planlaşdırırdı, ancaq o, qışda "Çelsi"yə keçdi.

Teleqraf.com xəbər verir ki, "Çelsi"nin yarımmüdafiəçisi, hazırda icarə əsasında "Yuventus"da oynayan Xuan Kuadrado karyerasını "Barselona"da davam etdirə bilər.

"Don Balon" nəşri yazır ki, Dani Alves komandanı tərk edəcəyi halda Kataloniya klubu 27 yaşlı kolumbiyalını əldə etməyə çalışacaq.

"Barsa" daha öncədən Kuadradonu almağı planlaşdırırdı, ancaq o, qışda "Çelsi"yə keçdi. Yayda futbolçunu icarəyə götürən "Yuventus" gələn ay onu birdəfəlik almaq üçün danışıqlara başlayacaq.

Kuadrado bu mövsüm Seriya A-da 11 oyun keçirib, 1 qol vurub, 3 məhsuldar ötürmə ilə yadda qalıb. O, həmçinin Çempionlar Liqasında 5 oyunda meydana çıxıb.

Rüstəm