Pələnglərlə bağlı həyəcan təbili çalındı

Beynəlxlalq Təbiəti Qoruma Birliyi (IUCN) qırmızı kitabına düşən pələnglərlə bağlı həyəcan təbili çalıb.

Teleqraf.com xəbər verir ki, IUCN açıqlamasına görə, hazırda vəhşi təbiətdə cəmi 3900 pələng mövcuddur. Bu rəqəm 1900-cü ildə 100 min civarında idi.

IUCN yaydığı məlumatda aşağıdakılar qeyd olunur.

— Pələnglərin iki milyona yaxın yaşı var. Dünyaya Asiya qitəsindən yayılıb.

— Pələnglər yaşadğını ekoaləmdə tənzimləyici funskiyaya malikdir. O, heyvan pramidasının ən üst qatında yer alır. Aşağı qatdakı canlılarla bəslənərək onların saylarını normada saxlayır. Bununla həm xəstəliklərin qarşısı alınır, həm də bitki-heyvan nisbəti qorunur.

— Pələnglər çətir tolunu oynayır. Bir pələngin yaşaması üçün 100 kvadrat kilometr əraziyə ehtiyac var. Pələnglər üçün ərazilərin qorunması dolayısı ilə orada digər heyvanların da yaşaması üçün yeni imkanlar yaradır.

- Hər bir pələngin zolaqları onun tanınıtım vəsiqəsidir. Yəni insanların barmaq izləri kimi, pələnglərin zolaqları da fərqli olur.