ABŞ çaşqınlıq içindədir: Pentaqonun rəhbəri niyə gizli xəstəxanaya yerləşdirilib?

Pentaqonun departament rəhbəri Lloyd Ostin xəstəxanaya Yeni il günü daxil olub. Lakin ABŞ Müdafiə Nazirliyi xəstəxanaya yerləşdirilməsini cəmi bir neçə gün sonra elan etdi. “Niyə belə məxfilik?”

Teleqraf.com xəbər verir ki, bunu Amerikalı jurnalist və Newsmax kanalının teleaparıcısı Todd Starnes X sosial şəbəkəsində (keçmiş Twitter) yazıb.

Pentaqonun rəhbəri Lloyd Ostinin planlaşdırılmış tibbi prosedurdan sonra ağırlaşmalarla xəstəxanaya yerləşdirildiyi məlum olub.

Eyni zamanda, Pentaqon müdafiə departamentinin rəhbərinin kifayət qədər tez sağaldığını və yanvarın 6-da tam şəkildə işə qayıtmağa hazır olduğunu bildirib. Departament onu da bildirib ki, müdafiə nazirinin müavini lazım gələrsə, Ostini əvəz etməyə həmişə hazırdır. Lakin Müdafiə Nazirliyi Ostinin həmin vaxt huşsuz olub-olmadığını söyləməkdən imtina edib.