Sülhməramlılar üçün Laçın dəhlizində konsert verildi – Video

Rusiya Silahlı Qüvvələri Mərkəz Hərbi Dairəsinin Mahnı və Rəqs Ansamblının artistləri Laçın dəhlizindəki müşahidə məntəqələrində xidmət edən rus sülhməramlılarının qarşısında çıxış ediblər.

Teleqraf.com xəbər verir ki, bu barədə Rusiya Müdafiə Nazirliyi məlumat yayıb.

“Mərkəz Hərbi Dairəsinin Mahnı və Rəqs Ansamblının artistləri hərbi qulluqçuları atıcı silahlardan və qəlpələrdən qorumaq, eləcə də yaxınlıqdakı ərazinin dairəvi müşahidəsi üçün nəzərdə tutulmuş istehkamlarla təchiz olunmuş müşahidə məntəqələrində xidmət edən Rusiya sülhməramlı kontingentinin hərbi qulluqçuları qarşısında çıxış ediblər.

Hazırda Rusiya sülhməramlıları vəziyyəti gecə-gündüz izləyir və atəşkəsə riayət olunmasına nəzarət edirlər. Rus sülhməramlıları mülki nəqliyyat vasitələrinin təhlükəsizliyini və sakinlərin Laçın dəhlizi ilə hərəkətini təmin edir, ərzaq və müxtəlif mallar daşıyır, müşayiət edir və infrastruktur obyektlərini bərpa etmək üçün tapşırıqları yerinə yetirən təmir qruplarının təhlükəsizliyini təmin edir”, – deyə Rusiya Müdafiə Nazirliyinin məlumatında bildirilir.