Yad planetdən "bizdə həyat var" mesajı

Avstraliyanın Melburn şəhərində yerləşən Suinbern Texnoloji Universitetinin astronomları kosmosdan gələn naməlum mənşəli radiosiqnal qeydə alıblar.

Teleqraf.com.un məlumatına görə, astronomlar qrupunun rəhbəri Emili Petroff `Monthly Notices of the Royal Astronomical Society` jurnalında yazdığı məqalədə bildirir ki, radiosiqnal qəfil və qısamüddətli olub, işıq və ya digər dalğalarla (rentgen, qamma-şüalanma və s.) müşahidə olunmayıb. Yəni bizə məlum olan təbii fenomenlərin heç birilə izah edilə bilməz.

Qeyri-adi radiosiqnal Yeni Cənubi Uels ştatında yerləşən Parkes Radio teleskopu vasitəsilə qeydə alınıb. Radiosiqnal bizdən 5.5 milyard işıq ili uzaqlıqdan gəlib və bir neçə millisaniyə davam edib.

Amma qısamüddətli olmasına baxmayaraq, radiosiqnal Günəşin bir gündə sərf etdiyi qədər enerjiyə malik olub. Bu, radiosiqnalın mənbəyinin yaxınlığında yerləşən güclü maqnit sahəsinin təsirilə də ola bilərdi.

Tədqiqatçılar bu radiodalğanın şifrəsini ilkin olaraq, "bizdə həyat var" mesaj kimi yozmağa çalışıblar. Bununla yanaşı, radiosiqnalın sırf təbii təsirlər nəicəsində təsdüfi olaraq ortaya çıxdığını söyləyənlər də aza deyil.

Kainatın siqnal gələn rayonunda iki “Qara dəlik” var, amma onlar siqnalın mənbəyi ola bilməzlər. /azvision.az/