Dünyanın ən nazik sərt diski təqdim edildi

"Seagate Technology" şirkəti güclü və nazik noutbuklar üçün sərt disklər bazasında "Seagate Mobile HDD" adlanan yeni toplayıcı istehsal edib.

2,5 düymlük form-faktorlu modelin qalınlığı 7 millimetr, tutumu isə hər plastin üçün 1 terabayt olmaqla 2 terabayt təşkil edir.

Mütəxəssislərin sözlərinə görə, bu, 2 terabayt tutumlu dünyanın ən nazik və sürətli mobil sərt diskidir.

"Seagate Mobile HDD" toplayıcısının çəkisi 90 qram olmaqla əvvəlki nəsil diskin çəkisindən 25 faiz azdır. Disk "SATA" interfeysini 6 Qbit/saniyə sürətində dəstəkləyir.

Daxiletmə və çıxma əməliyyatlarında məlumatların maksimal ötürmə sürəti 600 Mb/saniyə, davamlı ötürmədə 100 Mb/saniyəyə çatır. Sürətli yaddaşın (keş) tutumu 128 Mb təşkil edir.

Artıq 1 və 2 terabayt tutumlu "Seagate Mobile HDD" diskinin tədarükünə başlanılıb.