Çavuşoğludan Makrona: “Sən kimsən ki...”

Türkiyə Xarici İşlər Nazirliyi Emmanuel Makronun Ankara ilə PYD arasında vasitəçi olmaq fikrinə qəzəblənib.

Teleqraf.com xarici mediaya istinadla xəbər verir ki, o, Fransanı ikili standartlar aparmaqda ittiham edib:

“Sən kimsən ki, vasitəçilik edirsən? Bir ölkənin vasitəçi olması üçün əvvəlcə etibarlı və tərəfsiz olması vacibdir”.

Qeyd edək ki, Fransa Prezidenti Emmanuel Makron açıqlamasında PYD silahlılarına dəstəyini aşkar etiraf edib:

“Kürdlərə dəstək vədi və müvafiq zəmanət vermişik. Suriya Demokratik Qüvvələri və Türkiyə arasında vasitəçi olmaq istəyirik”.