İranlı general Bakıya gəlir – Səfər proqramı

İran Silahlı Qüvvələrinin Baş qərargah rəisi, general-mayor Məhəmməd Hüseyn Baqiri Azərbaycana səfər edəcək.

Teleqraf.com xəbər verir ki, bu barədə İranın Mehr agentliyi məlumat yayıb.

Agentlik səfərin yaxın günlərdə baş tutacağını bildirib.

Baqiri səfərin Azərbaycanın Müdafiə naziri, general-polkovnik Zakir Həsənovun dəvəti ilə reallaşacağını deyib.

İki günlük səfər zamanı İran və Azərbaycan arasında hərbi əməkdaşlıq, terrorizmlə mübarizə və digər regional məsələlər müzakirə olunacaq.