31 Mart 11:32
2 765

İranın Xarici İşlər Nazirliyi Azərbaycanın işğal edilmiş Dağlıq Qarabağ bölgəsində keçiriləcək qondarma prezident və parlament seçkiləri ilə bağlı açıqlama yayıb.

Teleqraf.com xəbər verir ki, İran XİN-in sözüçü Seyid Abbas Musəvi İran İslam Respublikasının gərginlik və ixtilafın artmasına səbəb olan hər cür addımın əleyhinə olduğunu bəyan edib.

"Biz düşünürük ki, iki qonşu ölkə olan - Azərbaycan və Ermənistan arasında ixtilafların həllini çətinləşdirən hər cür addımın atılmasından çəkinilməlidir", - deyə Musəvi qeyd edib.

Onun sözlərinə görə, Dağlıq Qarabağ münaqişəsi sülh yolu ilə beynəlxalq qanun və prinsiplər çərçivəsində həll olunmalıdır.


Müəllif: Nərgiz Cavadzadə