2 Mart 21:38

Milli Məclisin deputatı Cavanşir Feyziyevin fevral ayı üçün seçicilərlə görüşü barədə açıqlama yayılıb.

Teleqraf.com həmin açıqlamanı təqdim edir:

Ötən ay deputatın ünvanına 128 yazılı müraciət daxil olub, onlardan 37-si ay ərzində öz həllini tapıb. Vətəndaşlardan daxil olmuş 7 müraciət baxılması və müvafiq kömək göstərilməsi üçün Mərkəzi icra hakimiyyəti orqanlarının yerli qurumlarına göndərilib. Daha 1 müraciət aidiyyatı üzrə digər qurumlara göndərilib. Bununla bərabər, seçicilər tərəfindən göndərilmiş yazılı müraciətlərin 83-də qanunvericiliyin tələblərinə uyğun olmayan məsələlər qaldırılıb və bu məsələlərin qanunvericilik tələblərinə uyğun olmadığı vətəndaşların diqqətinə çatdırılıb. Fevral ayı ərzində seçicilərlə keçirilən 3 görüşdə 8 nəfər deputat tərəfindən qəbul edilərək müraciətləri dinlənilib.


Müəllif: Teleqraf.com