Karantin rejimi ilə bağlı qərar veriləcək - İbrahim Məmmədov

Operativ Qərargah ölkədəki yoluxma prosesini izləyib, statistikaya baxıb.

Teleqraf.com xəbər verir ki, bunu Nazirlər Kabinetinin mətbuat katibi İbrahim Məmmədov Operativ Qərargahın brifinqində deyib:

"Müşahidələr əsasında xüsusi karantin rejimində sərtləşməyə ehtiyac olmadığı nəticəsinə gəlinib. Bəli, bir sıra ölkələrdə karantin rejimində sərtləşdirmələr olsa da, Azərbaycanda buna ehtiyac yoxdur.

Lakin karantin rejiminin ləğv olunması müzakirə mövzusu deyil. Yaxın günlərdə bununla bağlı məlumat veriləcək".