Müəllimlərin “TOP 10”u müəyyən ediləcək

Azərbaycan Dövlət İqtisad Universitetinin rektoru SABAH qruplarının müəllimləri ilə görüşüb.

ADİU-nun Marketinq və Kommunikasıya Departamentindən Teleqraf.com-a daxil olan xəbərə görə, rektor görüşdə bildirilib ki, gələcəkdə SABAH qruplarında ingilisdilli bölmələr yaradılacaq. Belə olduğu halda ADİU-ya xaricdən müəllim dəvət etmək daha asan olacaq. Bundan başqa, tələbələrin dili daha yaxşı mənimsəmələri üçün ingilisdilli ölkələrin tələbələri ilə videokonfranslar təşkil ediləcək.

Rektor SABAH-ın müəllimlərinin stimullaşdırılması məqsədilə gələcəkdə “TOP 10” ən yaxşı müəllim layihəsinin keçiriləcəyini bildirib. Tələbələrin imtahan cavablarına əsasən SABAH müəllimlərinin reytinq cədvəli tərtib olunacaq.

Görüşün sonunda rektor dərslərin keyfiyyətinin yüksəldilməsi istiqamətində müəllimlərlə fikir mübadiləsi aparıb.

SEVİL