Şəhid ailələrinə dəstək... - MM-də mühüm müzakirə

Azərbaycan Parlamenti “Şəhid adının əbədiləşdirilməsi və şəhid ailələrinə edilən güzəştlər haqqında” Qanununda dəyişiklik edilməsi barədə layihəni müzakirəyə çıxarıb.

Teleqraf.com xəbər verir ki, qanun layihəsinə əsasən 6-cı maddəyə “Azərbaycan Respublikasının” sözlərindən sonra “dövlət” sözü, “fondlarından” sözündən sonra “, habelə dövlət icbari şəxsi sığorta vəsaiti hesabına” sözləri əlavə edilib.

Qeyd edək ki, bu dəyişikliklər şəhid ailələrinə dəstək üçün əlavə mənbələr genişləndirilir.

Əmək və sosial siyasət Komitəsinin sədri Musa Quliyev mövzu ətrafında danışarkən deyib ki, şəhidlərimizina adı kollektiv əbədiləşdirib: “İndi hər bir rayonumuzda şəhid parkları var. Xüsusi qəhramanlıq göstərən şəhidlərin adı əbədiləşdirilir və bu, dünyanın hər yerində belədir”.

Komitə sədri bildirib ki, dövlətin gördüyü işləri də qeyd etmək lazımdır: “Bəli, dinləmə də keçirilsin, tənqid və təklifləri yazıb mənə təqdim edin. Müharibədə 100 min insanımız iştirak edib. Biz hər gün burada şəhid ailəsi, qazi, veteran qəbul edirik. İşimizi bu istiqamətdə qursaq yaxşı olar”.