FHN-in əməkdaşları Heydər Əliyev Mərkəzində - Foto

Fövqəladə Hallar Nazirliyi Cənub Regional Mərkəzinin əməkdaşlarının Lənkəran şəhərində yerləşən Heydər Əliyev Mərkəzinə ekskursiyası təşkil olunub.

Nazirlikdən Teleqraf.com-a verilən məlumata görə, “Heydər Əliyev İli” çərçivəsində təşkil edilmiş ekskursiyada əməkdaşlara Mərkəzin fəaliyyəti barədə ətraflı məlumat verilib.

Ekskursiya zamanı əməkdaşlar Mərkəzdə fəaliyyət göstərən Heydər Əliyev Muzeyini ziyarət ediblər. Ziyarətçilər Ümummilli Liderin zəngin və mənalı ömür yolunu əks etdirən eksponatlarla, Ulu Öndərin siyasi irsini təbliğ edən əyani vəsaitlərlə tanış olublar.