Həmid Herişçinin səhhəti ilə bağlı xanımından açıqlama

Yazıçı Həmid Herişçinin səhhəti sabit ağır olaraq qalır.

Teleqraf.com xəbər verir ki, bu barədə bir neçə gündür xəstəxanda müalicə olunan yazıçı Həmid Herişçinin xanımı İlhamiyyə Rza məlumat yayıb.

"Gün ərzində çoxsaylı zənglər gəlir. Hamıya cavab verə bilmirəm, üzrlü sayın. Həmidin həkimiylə danışdım. Vəziyyəti stabil ağır qiymətləndirir", deyə məlumatda qeyd olunur.

Xatırladaq ki, 64 yaşlı yazıçı təcili tibbi yardım avtomobili vasitəsilə yanvarın 26-da qızılca diaqnozu ilə Sabunçu Tibb Mərkəzinin nəzdində olan Məhəmmədi modul tipli xəstəxanaya yerləşdirilib.