Bakıda oğurluq edən gənc tutuldu

Bakının Xətai rayonunda meyvə-tərəvəz mağazasından oğurluq edilib.

Teleqraf.com xəbər verir ki, hadisə rayonun M.Hadi küçəsi, ev 159 ünvanında qeydə alınıb.

Həmin ünvanda meyvə-tərəvəz mağazasından Abşeron rayon sakini, 1988-cı il təvəllüdlü Emil Məlikəliyev oğurluq edilib. Əvvəllər məhkum olunan Emil Məlikəliyev 34-cü polis bölməsinin əməkdaşları tərəfindən saxlanılıb.

Emil Məlikəliyevin ətrafında aparılmış əməliyyat tədbirləri nəticəsində onun daha bir neçə oğurluq cinayəti törətməsi müəyyən edilib.

Faktla bağlı cinayət işi başlanıb.

Hacı Zeynalov