Müşfiqabadda avtobus sürücüsü bıçaqlandı

Bakının Qaradağ rayonunda bıçaqlanma olub.

Teleqraf.com xəbər verir ki, rayonun Müşfiqabad qəsəbəsində 1975-ci il təvəllüdlü Ərəstun Əzizov ağır bıçaq xəsarətləri ilə xəstəxanaya yerləşdirilib.

Vaxtında tibbi yardım göstərildiyi üçün onun həyatını xilas etmək mümkün olub.

Məlumata görə, avtobus sürücüsü olan Ərəstun Əzizov sərnişinlə mübahisə edib. Onların arasında mübahisə sonda qanlı olaya çevrilib.

Həmin şəxs sürücüyə iki bıçaq xəsarəti yetirəndən sonra hadisə yerindən qaçıb. Hazırda polis həmin şəxsin tutulması üçün əməliyyat tədbirləri keçirir.

Faktla bağlı Cinayət Məcəlləsinin 126.1-ci (sağlamlığa ağır xəsarət yetirmə) maddəsi ilə cinayət işi başlanıb.