Yasamalda qadını soyan “zek” yaxalandı

Bakının Yasamal rayonunda soyğunçuluq hadisəsi baş verib.

Teleqraf.com xəbər verir ki, yanvarın 10-da Yasamal rayon Polis İdarəsi 29-cu polis bölməsinə müraciət edən qadın naməlum şəxsin onun mobil telefonunu əlindən aldığını bildirib.

Əməliyyat-axtarış tədbirləri ilə soyğunçuluğu törədənin paytaxt sakini, əvvəllər məhkum olunmuş Zöhrab Əmiraslanov olduğu müəyyən edilib.

Zöhrab Əmiraslanovun üzərindən narkotik vasitə olan heroin də aşkar edilib.

Faktla bağlı Yasamal rayon Polis İdarəsində cinayət işi başlanıb.