Suraxanıda 31 yaşlı kişi bıçaqlandı

Bakının Suraxanı rayonunda bıçaqlanma hadisəsi baş verib.

Teleqraf.com xəbər verir ki, rayonun Hövsan qəsəbəsində, Dənizkənarı küçəsində 1987-ci il təvəllüdlü Müşviq Fətullayev naməlum şəxslə mübahisə edib.

Onların mübahisəsi sonradan əlbəyaxa davaya çevrilib. Dava zamanı həmin şəxs Müşviq Fətullayevə bıçaq xəsarəti yetirib və hadisə yerindən qaçıb.

Yaralı xəstəxanaya yerləşdirilib.

Faktla bağlı cinayət işi başlanıb.