Gecə klubunda bıçaqlaşma olub

Bakının Səbail rayonunda yerləşən gecə klubunda dava bıçaqlamma ilə nəticələnib.

Bu barədə Teleqraf.com-a Səbail rayon Polis İdarəsindən məlumat verilib.

Bakı şəhər sakini Ceyhun Həsənov gecə klubunun sahibi Meybulla Meybullayevi bıçaqlayıb. Mehbulla Meybullayev xəstəxanaya yerləşdirilib.

39-cu polis bölməsi əməkdaşlarının keçirdikləri əməliyyat-axtarış tədbirləri nəticəsində cinayəti törədən paytaxt sakini, əvvəllər məhkum olunmuş Ceyhun Həsənov tutulub. Münaqişə gecə klubunda həddən artıq yüksək olan hesab üstündə yaranıb.

Faktla bağlı cinayət işi başlanıb.

Hacı Zeynalov