Baltalı kəndində bıçaqlanma

Şəki rayonunda bıçaqlanma olub.

Teleqraf.com xəbər verir ki, rayonun Baltalı kənd sakini, 1970-ci il təvəllüdlü Xəlil Xəlilov bıçaqlanıb.

Yaralı ağır vəziyyətdə Şəki rayon Mərkəzi Xəstəxanasına yerləşdirilib. Vaxtında tibbi yardın göstərildiyi üçün onun həyatını xilas etmək mümkün olub.

Məlum olub ki, hadisə Xəlil Xəlilovun yaşadığı kəndə təşkil edilmiş qonaqlıqda baş verib.

Qonaqlıqda yeyib-içib keflənən Xəlil Xəlilov ilə həmkəndlisi Nazim Afrizanov arasında şəxsi münasibətlər zəminində mübahisə düşüb. Mübahisə zamanı Nazim Afrizanov əlində olan bıçaqla Xəlil Xəlilova xəsarət yetirib.

Cinayəti törətməkdə şübhəli sayılan Nazim Afrizanov saxlanılıb.

Faktla bağlı cinayət işi başlanıb.