Bakıda baş verən qəzada sürücü öldü

Bakının Binəqədi rayonunda ağır yol nəqliyyat hadisəsi baş verib.

Bu barədə Teleqraf.com-a Binəqədi rayon Polis İdarəsindən məlumat verilib.

Məlumata görə, Bakı şəhər sakini, 1991-ci il təvəllüdlü Elçin Məmmədov idarə etdiyi avtomobili yolun kənarında olan dirəyə çırpıb. Sürücü hadisə yerində dünyasını dəyişib. Avtomobildə olan sərnişin 1983-cü il təvəllüdlü Qoşqar Quliyev ağır xəsarətlə xəstəxanaya yerləşdirilib.

Faktla bağlı araşdırma aparılır.

Hacı Zeynalov