Bakıda baş verən qəzada piyada öldü

Bakının Qaradağ rayonunda piyadanın ölümü ilə nəticələnən yol nəqliyyat hadisəsi baş verib.

Bu barədə Teleqraf.com-a Qaradağ rayon Polis İdarəsindən məlumat verilib.

Məlumata görə, hadisə rayonun Ələt qəsəbəsində qeydə alınıb. Qəsəbə sakini Nadir Həşimov idarə etdiyi “KamAZ” markalı avtomobillə yolu keçən Salyan rayon sakini Etibar Əzizovu vurub. Piyada xəstəxanaya aparılarkən ölüb.

Faktla bağlı araşdırma aparılır.

Hacı Zeynalov