Avtobus dərəyə yuvarlandı: 8 ölü, 21 yaralı

Braziliyanın Vitoriya şəhəri yaxınlığında avtobusun dərəyə yuvarlanması nəticəsində azı 8 nəfər ölüb, 21 nəfər yaralanıb.

Teleqraf.com-un “RİA Novosti”-yə istinadən verdiyi xəbərə görə, salonunda 31 sərnişinin olduğu Portu Sequru – Rio de Janeyro marşrutu üzrə hərəkət edən avtobus 40 metr hündürlükdən dərəyə yuvarlanıb.

Qəza nəticəsində 21 nəfər müxtəlif xəsarətlərlə xəstəxanaya yerləşdirilib, onlardan 13 nəfərinin vəziyyətinin ağır olduğu bildirilir.

Sağ qalan avtobus sürücünün sözlərinə görə, qəza yük maşının qəfil avtobusun qəfir zolağına çıxması nəticəsində baş verib. Sürücü toqquşmadan yayınmaq üçün avtobusu yolun kənarına çəkərkən dərəyə yuvarlanıb.