Tanışını bıçaqlayan şəxs saxlanıldı

Mayın 28-də Quba şəhəri ərazisində Elman Muradov münaqişə zəminində tanışı Seyfəddin Ağayevə bıçaq xəsarətləri yetirib.

DİN-dən Teleqraf.com-a bildirilib ki, S.Ağayev xəstəxanaya yerləşdirilib.

Polis əməkdaşlarının keçirdiyi tədbirlərlə cinayət əməlini törətməkdə şübhəli bilinən E.Muradov saxlanılaraq istintaqa təhvil verilib.

Araşdırmalar davam etdirilir.