Salyanda 8 otaqlı ev yandı

Salyan rayonunda vətəndaşa məxsus 8 otaqlı yaşayış evində yanğın baş verib.

Teleqraf.com-un FHN-nin saytına istinadən verdiyi məlumata görə, hadisə rayonun Kərimbəyli kəndində baş verib.

Hadisə nəticəsində vətəndaşa məxsus ümumi sahəsi 660 kv.m olan ikimərtəbəli 8 otaqlı evin yanar konstruksiyaları və ev əşyaları yanıb.

Bitişik ev yanğından mühafizə olunub.

Yanğın yanğınsöndürənlər tərəfindən söndürülüb.