Bakıda qəbirstanlıqda oğurluq

Bakının Sabunçu rayonunda qəbristanlıqdan oğurluq edilib.

Teleqraf.com xəbər verir ki, oğurluq hadisəsi Ləhiş bağları massivində yerləşən qəbirstanlıqda qeydə alınıb.

Qəbirstanlığa yaxınlarını ziyarət etməyə gələn Fəxrəddin Əhməd oğlu Gözəlov gözlənilməz hadisə ilə üzləşib. O, qəbirlərin yanına düzdürmək üçün tökdüyü 300 ədəd əhəng daşlarının oğurlandığını görüb.

Fəxrəddin Gözəlov oğurluq hadisəsinin baş verməsi ilə bağlı Sabunçu rayon Polis İdarəsinin 15-ci polis bölməsinə ərizə ilə müraciət edərək oğurluq edənlərin müəyyən edilməsi üçün tədbir görülməsini istəyib.

Faktla bağlı araşdırma aparılır.

Hacı Zeynalov