Bakıda Ukrayna vətəndaşı yol qəzasında öldü

Bakının Suraxanı rayonunda ölümlə nəticələnən yol nəqliyyat hadisəsi baş verib.

Teleqraf.com xəbər verir ki, hadisə Suraxanı qəsəbəsində qeydə alınıb.

Qəsəbə sakini Xəyal Əzizli idarə etdiyi “VAZ-21015” markalı avtomobillə yolu keçən 40-45 yaşlı qadını vurub. Xəstəxanaya yerləşdirilmiş həmin qadın orada ölüb.

Suraxanı Rayon Polis İdarəsinin 31-ci polis bölməsindən Teleqraf.com-a verilən məlumata görə, yol qəzasında ölən Ukrayna vətəndaşı, 1975-ci il təvəllüdlü Lyudmila Dmirriyevna Talaberovadır.

Faktla bağlı araşdırma aparılır.

Hacı Zeynalov