Nardaranda xüsusi əməliyyat: həbs olunan var

Bakının Nardaran qəsəbəsində hüquq-mühafizə orqanları əməkdaşlarının əməliyyat tədbirləri davam edir.

Teleqraf.com xəbər verir ki, əməliyyat Daxili İşlər Nazirliyinin Baş Cinayət Axtarış İdarəsi, Baş Mütəşəkkil Cinayətkarlıqla Mübarizə İdarəsi, Bakı şəhər Baş Polis İdarəsinin Cinayət Axtarış Şöbəsi, Sabunçu Rayon Polis İdarəsinin Cinayət Axtarış Şöbəsi, və 42-ci polis bölməsinin əməkdaşları tərəfindən keçirilib.

Nəticədə Binəqədi rayonu, Sulutəpə qəsəbəsində yaşayan 1985-ci il təvəllüdlü Hüseynov Elgün Tofiq oğlu Kürdəxanı qəsəbəsində saxlanılıb.

Elgün Hüseynovun üzərindən 7 ədəd patron aşkar olunub. Ona məxsus “VAZ-21014” markalı avtomobil Nardaran qəsəbəsi, Ş.Tusi küçəsi 71 ünvanında aşkar olunub. Avtomobilə baxış zamanı 6 ədəd kustar üsulla hazırlanmış “Molotov kokteyli” aşkar edilərək götürülüb.

Hacı Zeynalov