Masallı sakini polisi aldada bilmədi

Masallı rayonunda bıçaqlanma hadisəsi baş verib.

Teleqraf.com xəbər verir ki, hadisə rayonun Qəriblər kəndində qeydə alınıb.

Kənd sakini Ceyhun İmamyarov kəsilmiş-deşilmiş xəsarətlərlə xəstəxanaya gətirilib. Ona tibbi yardım göstərildiyi üçün həyatını xilas etmək mümkün olub. O, ilkin izahatında yıxılması nəticəsində xəsarət almasını bildirib.

Amma Masallı rayon polis şöbəsi əməkdaşları tərəfindən ona bıçaqla xəsarətin rayon sakini Ceyhun Nuriyev tərəfindən yetirilməsi müəyyən edilib. Həyata keçirilmiş əməliyyat-axtarış tədbirləri ilə Ceyhun Nuriyev tutulub.

Faktla bağlı cinayət işi başlanıb.

Hacı Zeynalov