Balakəndə narkotik alverçiləri yaxalandı

Balakən rayonunda narkotiklərlə bağlı əməliyyat keçirilib.

Teleqraf.com xəbər verir ki, Daxili İşlər Nazirliyinin Baş Cinayət Axtarışı İdarəsi və Balakən rayon polis şöbəsi əməkdaşlarının həyata keçirdikləri əməliyyat-axtarış tədbirləri nəticəsində rayonun Qullar kənd sakini Tural Nəsibov 475,37 qram marixuananı satarkən tutulub.

Tural Nəsibovun üstünə baxış zamanı əlavə 14,51 qram marixuana aşkar edilərək götürülüb.

Davam etdirilən tədbirlərlə Tural Nəsibova narkotik vasitəni satmış rayon sakini İlqar Sarıyev də tutulub. Ondan 9,28 qram marixuana götürülüb. İ.Sarıyevin evinə baxış zamanı isə dibçəklərdə kultivasiya yolu ilə yetişdirilmiş 73 ədəd çətənə kolu da aşkar edilib.

Hacı Zeynalov