Ağdaşda cinayət: dayı bacısı oğlunu doğradı

Ağdaş rayonunda cinayət hadisəsi baş verib.

Teleqqraf.com xəbər verir ki, hadisə rayonun Kükəl kəndində qeydə alınıb.

Kənd sakin Mustafa Sofiyevin evində dayısı Cavid İbrahimov münaqişə zəminində ona balta və dəyənəklə xəsarət yetirib. Cavid İbrahimov xəstəxanaya yerləşdirilib.

Ağdaş rayon polis şöbəsi əməkdaşlarının həyata keçirdikləri əməliyyat-axtarış tədbirləri nəticəsində C.İbrahimov tutulub. Ondan 353,8 qram marixuana götürülüb.

Qeyd edək ki, Cavid İbrahimov və onun bacısı oğlu Mustafa Sofiyev Kükəl kəndində spirtli içki qəbul edəndən sonra onların arasında münaqişə yaranıb. Cavid İbrahimov onu söyən bacısı oğlu Mustafa Sofiyevin başına, sifətinə və qollarına balta ilə bir neçə dəfə xəsarət yetirib.

Faktla bağlı cinayət işi başlanıb.

Hacı Zeynalov