8 İyul 2017 13:08
1 650

Teleqraf.com-un “Ölümqabağı” layihəsinin bugünkü qonağı tanınmış teleaparıcı, qızların sevimlisi və “danışan adam” ləqəbli Murad Əzimzadədir.

Yaxında öləcəyinizi bilsəydiniz, son dəfə:

- …nə düşünərdiniz?

- Cəsarət edib yaşamadığım günləri, adamları düşünərdim.

- …son kəs nə yeyib nə içərdiniz?

- Sevdiklərimi yeyib öz qanımı içən adamam.

- …kimə nə vəsiyyət edərdiniz?

- Bir gün ölsəm vəsiyyət edəcəm ki, məni yandırın, külümü də Xəzərə tökün. Bunu hələ dünyaya gəlməyən oğluma vəsiyyət edəcəm.

- …hansı dünyaca məşhur aparıcı ilə görüşərdiniz?

- Ellen Dejenereslə görüşmək istərdim.

- …kimi öpərdiniz?

- Monika Belluçini, Skarlet Yohansanı, Şeroun Stounu...

- …kimlə son şəkil çəkdirərdiniz?

- Mənə dözən, bütün axmaqlıqlarıma cınqırını çıxarmayan, ömrünü mənə fəda edəcək qədər ağlını itirən qadınımla çəkdirərdim son şəklimi… Final şəklimiz olardı bu. Həyatın, yaşanmışların, ağrı və həzzin son şəkli!

- …hansı müğənnini dinləyərdiniz?

- Ölüm ayağında Sadeni dinləmək istərdim. Amma gözümü yumanda anamın laylasını…

- …kimə və nə hədiyyə alardınız?

- Bütün dünyaya kitab hədiyyə alardım. Hamıya yetəcək qədər! Hərəyə bir kitab...

- … son pullarınızı kimə verərdiniz?

- Məndən sonra ailəmin ehtiyaclarını ödəyəcək pulu çıxardım, qalanına uşaqlara xərcləyərdim.

- …son 3 kəlməniz nə olardı?

- Həyat, vicdan, sevgi!


Müəllif: Könül Əlibəyli